Социјалната мрежа Инстаграм од неодамна го промени начинот на прикажување на постовите.
Ова се случува откако бројот на лајкови на Инстаграм под секој пост стана некој вид „престиж“ што го мери влијанието на поединците и врз основа на тоа почна да се израмнува заработката на повеќето славни личности и оние што ги нарекуваме „инфлуенсери“.
За да го промени тоа, Инстаграм реши да стави крај на бројот на лајкови под сликите, со цел да нѐ поттикне да го цениме квалитетот на содржината, а не бројот на лајкови.
Број на лајкови (срца) притиснати на сликата ќе бидат видливи само за сопствениците на профилите, не и за другите.
И овој бројач на срца сега ќе му се прикажува само на сопственикот на профилот.
Извршниот директор на Инстаграм, Адам Мосери, вели дека промените се во насока на правење на Инстаграм безбедно и здраво место на Интернет.
Идејата е Инстаграм да стане простор повеќе фокусиран на врските, разговорите и заедницата, особено за младите.
Оваа новина некои ја толкуваат како пресметка на платформата на Инстаграм со „нездравиот“ начин на гледање на оваа социјална мрежа, на која нејзините корисници прават сè за да добијат лајк и да ја истакнат својата „важност“.
Како ова ќе влијае на инфлуенсерите и брендовите?
Фактот што „броењето“ е невидливо, значи дека фокусот ќе биде на содржината а не на бројот на лајкови, и тоа ќе овозможи слободно да се објавуваат содржино без сопствениците на профилите да се ограничуваат на „најдоброто време“ за објавување.
И еден мал потсетник за ментално здравје: Дали навистина е потребно да знаете колку луѓе ставиле лајк на вашето селфи?
Очигледно, оваа промена ќе има големи импликации за инфлуинсерите. На пример, за брендовите ќе бидат потешко да најдат инфлуенсери кои ќе работат за нив на Инстаграм.