Синоќа во Ликовната галерија од ЦК ” Марко Цепенков” беше отворена изложбата “Мотиви од Хераклеја” од Панде Петровски, која на љубителите на уметноста им нуди дела полни со спокој, благост, со отсјај од минатото.
Тоа се слики кои побудуваат чувства на вечност, го отсликуваат минатото говорат за сегашноста.
Отворајќи ја изложбата, графичарот Владо Ѓорески посочи дека Панде Петровски има богат опус, со стилски широк дијапазон, од цртежи до суптилен енформел.
“Во делата за Хераклеја на Петровски го продолжува континуитетот за духовно презентирање – рече Ѓорески.
Со оваа изложба Центарот ја започна обемната и богата програма од областа на визуелните уметности за 2025 година.
