Во последно време, традиционалната смисла на успехот, да се поседува автомобил и стан, го изгуби своето значење. Огромен број на млади луѓе во светот, не сакаат да купуваат.
Истражувањата покажуваат дека младата генерација со околу 30-35 години, ретко купуваат куќи а уште поретко автомобили. Всушност, тие воопшто не купуваат скапи предмети или објекти. Во САД, луѓето под 35 години се наречени ” генерација на кираџии”.
Но зошто ова се случува ?
Според некои социолози, тоа е така бидеќи младите луѓе се погодени од финансиска криза.
Но тоа не е главната причина, туку младата генерација денес се разликува од генерацијата на нивните родители. Тие имаат други вредности.
Младите луѓе денес различно ја разбираат смислата на успехот, или :
- Успешните луѓе не купуваат недвижнини- тие ги земаат под наем
- Ако сакаш да бидеш успешен, инвестирај во себе : патувај, прави екстремни работи, создавај визија.
Луѓето денес не сакаат просперитет и стабилност туку флексибилност во одлучувањето и финансиска слобода.
Концептот на сопственоста, не е повеќе релевантен. Џејмс Хамблин, колумнист, тврди: ” Во последните 10 години, психолози вршеле многу истражувања и докажале дека трошењето пари на нови искуства е поисплатливо од купувањето на нови предмети. Носи повеќе радост “.
А.Г.