Доналд Трамп на инаугурацијата на 20 јануари ќе пристигне во елегантна црна лимузина, но за животниот стил на американскиот милјардер посоодветно би било возило со поразличен изглед.
Секој кој го видел ентериерот на станот на Трамп во Менхетен, не би се изненадил кога новиот претседател би пристигнал на заклетвата во златен автомобил. Токму тоа го заклучиле во компанијата “Darтc motorz”, која ја претстави новата претседателска лимузина.
На сликата е прикажан, секако во златна боја, блиндиран Мерцедес-Бенз ГЛ, со мотор од 1500 коњски сили, а на вратите има кваки под електричен напон, кои би ги спречиле непожелните гости да влезат во возилото.
“Dartz motorz” е компанија која од 1869 година ги снабдува со автомобили кралевите, адмиралите и диктаторите. Литванците се фалат дека можат да ја исполнат секоја желба на купувачите. Најпознатиот муштерија на оваа компанија е хип-хоп ѕвездата Кајне Вест, за кого оваа компанија направи два блиндирани хамери Х1, чија вредност е поголема од 2 милиони долари.
Ф.Г.