Со пријавување на стотината учесници на плоштадот „Александрија“, денеска по втор пат се оддржа Дервенската тура. „ДЕРВЕНСКА ТУРА“ го опфаќа живописниот предел на превојот Дервен на планината Бабуна од која има извонреден поглед кон Прилеп, неговата околина и кон планините Мукос и Селечка.
Оваа година оваа тура се оддржува по втор пат посочи Душко Димкоски, организатор на настанот кој воедно им се заблагодари на општина Прилеп за несебичната поддршка.
Градоначалникот Марјан Ристески посочи дека од година во година има се повеќе велосипедисти, ентузијасти кои го користат велосипедот како основно превозно средство.
Дервенската тура се одвива во две тури: мала и голема. Малата тура е со должина од 35 км и висинско искачување од 870м, а големата тура која ќе започне од Дервен ќе биде со должина од 45 км и искачување од 950 метри.
Организаторите посочија дека, турите ги водат лица означени со РЕФЛЕКТИРАЧКИ ЕЛЕК и за СЕКОЈ ПРОБЛЕМ, учесниците ќе можат да се обратат кај нив.
