Годинава по 6–ти пат во Прилеп се организираше манифестацијата „Етно вешта жена“, на која прилеските домаќинки се претставија со посна светиниколска трпеза.
Гости на вечерта им беа припадничките на понежниот пол од соседниот град, Битола кои се претставија со изработка на новогодишна маса.
Приготвените специјалитети беа навистина уникатни. Вештите жени истакнаа дека најважно на ваквите средби е нивното меѓусебно дружење, а не натпреварувањето кој има подготвено поубаво, повкусно или декоративно јадење.
Овој настан беше поддржан од страна на локалната самоуправа. Градоначалникот Марјан Ристески ги поздрави присутните и ги пофали за подготвените ремек дела кои секогаш претставуваат вистинска кулинарска атракција.
Манифестацијата „Етно вешта жена“ има хуманитарен карактер, а собраните средства ќе бидат наменети за децата со посебни потреби, посочија организаторките.
