Украинската полиција попладнево издаде наредба за затворање на пет станици на метрото во Киев, поради добиено предупредување дека во подземната железница се поставени бомби.
– Пет станици се затворени за патници. Во тек е нивна проверка, изјави портпаролката на киевското градско метро Наталија Макогон.
Според неа, добиени се закани за поставени бомби на станиците „Дњепар“, „Гидропарк“, „Левобережнаја“, „Арсеналнаја“ и „Хероите на Дњепар“.
Во Киев вечерва ќе се одигра финалето на фудбалската Лига на шампиони, во кое ќе се соочат актуелниот европски шампион Реал Мадрид и Ливерпул.