По повод Христовото Воскресение следува метео прогноза за денешниот ден Велика Сабота како и за ноќта Велика сабота кон недела односно за време на Христовото воскресение:
Како што најавивме во текот на утрешниот ден се најголеми условите за локална појава на невреме проследено со интензивен пороен дожд, силен ветер, електрични празнења и појава на град, на повеќе места пак ќе биде нестабилно и тоа особено попладне со пороен дожд, грмежи и засилен ветер, анализира Славчо Поповски.
Вечерта пак околу полноќ кон недела одоносно за време на Христовото воскресение, кога сите ќе бидеме во црквите и манастирите, атмосферата постепено ќе се стабилизира, иако само уште на исток вечерта има услови за локална нестабилност. Сепак, околу полноќ во најголем дел од државава атмосферата ќе биде стабилизирана.
Во случај на појава на електрични празнења во текот на денешниот ден, граѓаните да не претстојуваат на отворен простор и под осамени дрвја, додека пак овчарите своите овци да ги делат во помали групи со цел да ги заштитат.
Со оглед дека сеуште трае транспортот на прашина и на песок, и тоа особено денеска кога очекуваме на повеќе места врнежи истите ќе бидат помешани со прашина и со месок, односно дождот ќе биде нечист. Конечно оваа сахарска прашина и песок ќе замине од нашите краишта веќе од утре – додава Поповски во својата анализа.
