Нов студен и влажен бран денеска во Македонија. Се очекуваат пообилни врнежи од снег, особено во јужните делови. Заради заладувањето врнежи од снег ќе има и во некои пониски места каде што ќе се формира нова снежна покривка од 10 до 20 сантиметри.
Во Прилеп времето претпладне ќе биде со врнежи од снег, кои во попладневните часови ќе престанат.
Температурата на воздухот ќе се движи од -2 до 2 степени целзиусови.
Во сабота и недела се очекуваат нови ниски температури кои ќе се движат од -6 до 1 степен во сабота и од -6 до 2 степени во недела.
