Дали провладиниот новинар Зоран Иванов го открива планот на лидерот на СДСМ Зоран Заев за Албанец премиер од редовите на СДСМ, откако во гостување во емисијата „Само вистина“ на Канал 5 телевизија изјави дека на СДСМ не би им пречело да постави Албанец за премиер, ако се земе во предвид дека на локалните и претседателските избори СДСМ имаше голем број на албански гласови – пишува “Курир”.
-Вие земете го за пример СДСМ, колку Албанци гласаа на пример на минатите избори и на локалните за таа партија, дури и градоначалник имаат во чисто албанска средина. Значи сакам да кажам на СДСМ претпоставувам не би им пречело од своите редови да има Албанец да го стави за премиер утре. Воопшто не е спорно, без оглед на изборните резултати ако таа партија формира влада, вели Иванов.