MAРКУКУЛЕ дознава дека во тек е голема полициска акција во Прилеп. Според неофицијални информации уапсени се 25 лица поврзани со сомнежите за сторен криминал во работењето на прилепската болница “Борка Талески”.
Oд МВР во моментов не откриваат повеќе детали.
Инаку, во април годинава, Основното јавно обвинителство Прилеп и Финансиската полиција вршеа претреси на повеќе локации во градот поради сомнежи за финансиски злоупотреби на Прилепската болница.
„ОЈО Прилеп постапува во предистражна постапка поради сомненија за кривично дело Злоупотреба на службена положба и овластување, а поврзано со финансиското работење на болницата. Обезбедени се наредби за претрес на осум локации, а дејствијата ги презема Управата за финансиска полиција. По претресите, предистражната постапка ќе продолжи со други дејствија за обезбедување докази”, стоеше тогаш во соопштението од ОЈО Прилеп.