Генерацијата млади ракометари од Прилеп во која изминатите години доста се инвестираше, во четвртокот стана државен првак во кадетска конкуранција.
Младите ракометари на РК Прилеп родени 2002-2003 година, со победата над Струга со 27:23, го освои “фајнал-фор” турнирот во оваа конкуренција, кој се одржа во спортската сала на СОУ “Ристе Ристески-Ричко”.
До завршниот турнир младите ракометари на Прилеп стигнаа преку освоеното прво место во втората кадетска група, каде извојуваа 12 победи и само еден пораз, а ова е прв поголем успех за нив.
Во овие млади деца изминатите години се посвети доста внимание, па овој успех е светла точка во моменти кога сениорскиот ракометен тим се наоѓа на последната позиција на “плеј-аут” табелата.
Огромна заслуга за успехот секако имаат претходниот тренер на клубот Ице Соколески и претседателот Александар Мариноски, кои веруваа во нив и на кои вложувањето во млади ракометари им беше главен приоритет сите изминати години.
Честитки за кадетите на РК Прилеп!