Претседателот на Србија, Александар Вучиќ објави видео на кое се гледа како со министрите Синиша Мали и Томислав Момировиќ, чија цена ја објави минатата недела, јаде паризер (пилешка салама).
На почетокот на видеото рече дека се во Палатата Србија, бидејќи имаат многу средби во Нов Белград, а претходно во продавница отишле Синиша Мали и Томи Момировиќ.
„Како што им ветивме на оние кои тоа го бараа од нас, тоа не беше наш хир, бидејќи рекоа дека не смееме и нема да го јадеме. Купиле половина килограм домашно производство на паризер, купиле два литра јогурт, два леба „сава“, две кесички и мајонез. Вкупната цена е 585 динари, што може да се види од фискалната сметка. Цената на паризерот е дури 140 динари поевтина за килограм и многу сум среќен што успеавме да создадеме нешто што народот сака да го јаде, нешто на што сите пораснавме, нешто што јас и денес го јадам често. Посебно во авион кога одам во странство, барам да ми направат сендвич токму од овој тип на паризер. И ова не го правиме за да покажеме дека сме обични луѓе како остатокот од нормалниот свет, за да ги негираме нивните лаги за тоа кои се милионери, бидејќи сите во Србија знаат кој има сметки во странство и кој ниту имал, ниту има, ниту некогаш ќе.да има“, рече Вучиќ.
Тој изјавил дека тоа е негова идеја, и дека е прифатена од неговите пријатели и дека тоа го направиле за да го покажат начинот на лажење.