Во текот на вчерашниот ден невреме ги зафати Истра и северниот Јадран во Хрватска.
Како што јавија хрватските медиуми, локално наврнале над 80 литри дожд на метар квадратен до 14 часот, а најмногу дожд наврнал во Ровињ – 106 литри. Пореч е под вода, а на Платак паднал снег.
Počeo snijeg na vrhu Platka! @N1infoZG pic.twitter.com/VS2LNyzrDS
— Tea Blažević (@blaTeabla) October 11, 2020
Порталот Индекс објави дека невремето, придружено со пороен дожд и грмежи, најмногу ги погодило Ровињ, Истра и Кварнер.
Во пошироката област на Загреб може да наврнат од 20 до 40 литри дожд на метар квадратен, од 25 до 45 во областа Карловац.
Покрај обилни врнежи, метеоролозите најавуваат и грмежи, особено во Сплит и Риека.
Бидејќи температурата на морето е сè уште релативно висока, можен е развој на силно невреме над морето. Снег падна и на Крањска Гора, познат ски-центар во Словенија.
Во Македонија под влијание на циклонска активност денеска попладне, во текот на ноќта и во вторник претпладне ќе биде облачно со врнежи од дожд.
Врнежите ќе почнат од запад, а во вечерните и ноќните часови зоната на врнежи ќе се прошири во целата земја.
На повеќе места се очекуваат обилни врнежи, од 30 до 40 литри на метар квадратен за 24 часа, а локално и повеќе, информира Управата за хидрометеоролошки работи.
Во ноќните и раните утрински часови кон вторник, врнежите на места ќе бидат поројни и проследени со грмежи.
Ќе дува засилен ветер, утре од југоисточен, а во вторник од југозападен правец.