На 14.07.2023 на ул.„11 Септември“ во Ресен, полициски службеници од ОВР Ресен пронашле патничко моторно возило „фолксваген“ со ресенски регистарски ознаки натоварено со огревни дрва без жиг и соодветна документација.
Исто така, денеска во с.Ропотово, полициски службеници од Полициското одделение Ропотово пронашле товарно моторно возило „мерцедес“ со струшки регистарски ознаки натоварено со огревно дрво.
Дрвната маса била одземена и предадена Шумска полиција за понатамошно постапување. Се преземаат мерки за расчистување на случајот – информираат од СВР Битола.