Делегација од Општина Прилеп, Советот на Општина Прилеп, Сојузот на борци, претставници од СОУ „Кузман Јосифоски –Питу“, претставници од политичките партии и група на граѓани денеска положија свежо цвеќе на Могилата на непобедените, Алеата на народните херои и пред споменикот на Кузман Јосифоски- Питу, одбележувајќи 73 години од смртта на познатиот македонски револуционер.
Градоначалникот Ристески во изјава за медиумите истакна дека Прилеп и Македонија се горди што имаат таков великан, непоколеблив борец за идеите за независна и самостојна Македонија, кој бил мозокот и креаторот на антифашистичката револуција. И Кузман, и Ченто, и Пере и голем борој на борци, оставиле аманет да се чува интегритетот и суверенитетот на Македонија она што не прави да бидеме вистински Македонци“.
Кузман Јосифоски Питу е македонски револуционер. Бил организатор и учесник на повеќе национални манифестации и демонстрации за подигање на национално-револуционерната свест за продолжување на ослободителната борба против окупаторскиот режим.
