Во двата најголеми центри во Пелагонискиот регион, пред 20 локални мали и средни претпријатија, се одржаа две презентации за зелени иницијативи, дизајнирани да го трансформираат начинот на кој компаниите генерираат и трошат енергија.
Двата настани беа организирани од Стопанската комора на Северна Македонија во нејзините локални центри во Битола и Прилеп, во рамки на претставувањето на кредитната линија на Европската Инвестициона Банка (EIB7), со цел да се поддржат локалните бизниси и да се пренасочат обновливите извори на енергија и да го намалат нивниот јаглероден отпечаток. Презентациите беа претставени од страна на консултантскиот тим на конзорциумот (adelphi, IPC и iC consulenten).
Учесниците беа од различни индустрии: од производство на храна, земјоделство, градежништво и архитектура до хотели и ресторани, научија за практиките и придобивките од повеќето современи соларни, фотонапонски и батериски технологии на македонскиот пазар и се вклучија во дискусии за размена на искуства, предизвици и можности меѓу себе.
Меѓудругото, компаниите се информираа за процесот на аплицирање за кредитната линија EIB7, која е имплементирана во соработка со Развојна Банка на СМ и локалните комерцијални банки, и чија намена е за подобрувања на енергетската ефикасност и проекти за обновлива енергија за микро, мали и средно-капитализирани компании и нуди атрактивни услови за финансирање како што се повластени каматни стапки, опција за грејс период и долги рокови за исплата. Кредитната линија EIB7 изнесува 100 милиони евра, има за цел да влијае на намалување на јаглеродниот отпечаток во земјата, и да овозможат раст на малите бизниси кои ќе бидат отпорни на климатските промени.
Заинтересираните инвеститори можат да аплицираат за EIB7 во една од петте партнерски банки: Комерцијална банка, НЛБ банка, ПроКредит банка, Стопанска банка и Шпаркасе банка
Катерина Бурник, сопственик на “Бурник Мебел“, од Битола изјави: “Присуството на настанот за кредитна линија на EIB7 беше одлично искуство за нашата компанија. Добивме одлични сознанија за зелените иницијативи кои го менуваат начинот на кој компаниите произведуваат и трошат енергија. Одржливите можности за финансирање и иновативните соларни и фотонапонски технологии ни дадоа доверба да ги истражуваме решенијата за обновливи извори на енергија и за подобрување на нашата ефикасност и долгорочна заштеда.”
Павлина Василевска, Директорката на Советот за женско претприемништво при Општина Битола изјави: „На нашите жени претприемачи им требаат повеќе вакви настани и информации за одржливо финансирање, како и консултации за трансформација кон решенија за зелена енергија“.
Професорот Д-р Драган Дамјановски, претседател на Управниот одбор на Фондацијата за развој на мали и средни претпријатија Регионален центар Битола, истакна: „Овој настан ја засили нашата посветеност за намалување на јаглеродот во животната средина. Со нетрпение очекуваме да ги искористиме овие можности меѓу нашите мали и средни претпријатија за да поттикнеме одржлив раст“.
Клаудија Лутовска, косопственик на малата соларна централа „КБМ Енергија“ подвлече дека настанот е одлична платформа за размена на знаења и искуства во секторот за обновливи извори на енергија. Како сопственик на мала соларна централа, бев инспирирана од дискусиите за одржливо финансирање, регулаторна поддршка и иновативни соларни технологии. Настанот го засили моето уверување дека малите и средните претпријатија играат клучна улога во зелената транзиција и со соодветни стимулации и поддршка, и само така можеме значително да придонесеме за енергетската независност на Македонија.
Дополнителни информации
За Европската инвестициска банка и EIB Global
Европската инвестициска банка (ЕИБ) е институција за долгорочни заеми на Европската унија во сопственост на нејзините земји-членки. Финансира инвестиции кои придонесуваат за целите на политиката на ЕУ. Проектите на ЕИБ ја зајакнуваат конкурентноста, поттикнуваат иновации, промовираат одржлив развој, ја подобруваат социјалната и територијалната кохезија и поддржуваат праведна и брза транзиција кон климатска неутралност.
За Европската инвестициска банка во Северна Македонија
ЕИБ е активна во Северна Македонија од нејзиното основање во 1991 година, обезбедувајќи финансии за поддршка на клучни инфраструктурни проекти, локални власти и мали бизниси. ЕИБ обезбеди финансирање од 1,6 милијарди евра за мали бизниси и проекти за транспорт, енергија и комунална инфраструктура. Својата техничка и финансиска експертиза ја става на располагање на своите локални партнери преку приспособени совети и техничка помош. За повеќе информации во врска со проектите на ЕИБ во Северна Македонија, посетете ја Северна Македонија и ЕИБ.