По повод христијанскиот празник „Голем Петок“ градоначалникот Марјан Ристески ја посети најстарата населба Варош каде традиционално секоја година во манастирот „Св. Архангел Михаил “, се слави овој празник, односно првиот петок по Воскресението Христово – Велигден.
Изразувајќи ги своите желби за добро здравје благосостојба и напредок, градоначалникот Ристески посочи дека овој манастир има културно – историска димензија, а со изградбата на новиот источен конак тој добива уште поавтентичен изглед ,што e вистински предизвик за туристи, љубители на манастирскиот туризам.
Инаку, ова е ден на чествување на Богородица Балаклија – Источен петок. Според црковната и народната традиција на овој ден се отвораат „Богородичните води“, кои имаат исклучително голема лековита моќ. Таков свет извор се наоѓа и во манастирот Св. Архангел Михаил во Варош , кој што е вграден како орловско гнездо во југозападниот дел од Марковите Кули.
