Сообраќајот на државните патишта се одвива по претежно влажни коловози. Слаб снег врне во Крива Паланка, Делчево, Крушево, Дебар, Попова Шапка и на планинските премини Ѓавато, Буково и Плетвар. Во цела Македонија дува засилен северен ветер, информира Автомото сојузот на Македонија (АМСМ) во пладневниот извештај за состојбата на патиштата.
АМСМ препорачува внимателно возење, прилагодена брзина на движење и почитување на поставената сообраќајна сигнализација.
Во клисурите и засеците можна е помала појава на одрони, особено на патните правци: Кочани -Мак. Каменица – Делчево, Виница – Берово, Гостивар – Стража, Маврово – Дебар – Струга, Д. Капија – Удово, Катланово – Велес, Крушево – Демир Хисар и Ресен – Буково.