“Сведоци сме на еколошка катастрофа што ја создава депонијата над с.Бели, депонијата гори неконтролирано и го прави животот во Кочани и с.Бели неподнослив”, изјави Гоце Марков, портпарол на ОК ВМРО-ДПМНЕ Кочани.
Изјавата во продолжение ја пренесуваме во целост:
“Градската депонија и денес пак гори. Чадот се прошири на голема површина над градот, а се чувствува силна смрдеа во Кочани, а особено во с. Бели.
Сведоци сме на еколошка катастрофа што ја создава депонијата над с.Бели, депонијата гори неконтролирано и го прави животот во Кочани и с.Бели неподнослив.
Ги повикуваме градоначалникот, директорот на КЈП,,Водовод” и советот на општината под итно да превземат најитни мерки а ако споменатите не се способни за тоа-бараме од Владата на РМ да ја превземе надлежноста на оваа депонија и да го сопре труењето на кочанчани!”
