„Среќа е“ е насловот на новата песна на прилепскиот пејач Методија Зероски – Теди, познат од дуото „Теди и Рубин“, кој овојпат сними песна со неговата сестра Билјана Зероска – на пошироката публика позната по настапот во регионалното шоу „Никогаш не е доцна“.
Песната изобилува со прекрасна романтична мелодија, која во текстот носи силна порака за љубов и почит. “Среќа е” е производ на соработка помеѓу Билјана и сараевскиот композитор и аранжер Нихад Володер.
Пораката што ја носи „Среќа е“ е јасна: да го забавиме ритамот на секојдневието за да почувствуваме колку сакаме и колку сме навистина сакани.
Музиката и аранжманот се дело на Нихад Володер, текстот е на Билјана Зероска, а видеоспотот го режира актерот Игор Трпчески во продукција на „Фан продукција“. Снимен е на локации во винаријата „Камник“ и ресторанот „Цесарица“ во Скопје, со гостување на групата „The Four“ и учество на актерите Бобан Алексоски и Надица Петрова.
Уживајте во продолжение: