Аргентинецот Лионел Меси е еден од најдобрите фудбалери на сите времиња, но малку кој знае дека на денешен ден пред точно 13 години тој го постигна првиот гол за Каталонците.
Младо талентирано момче доби шанса од клупата на натпреварот против Албасете, па на асистенција од тогаш најдобриот играч на планетата Роналдињо, го постигна првиот гол во дресот на Барса. Веќе се чувствуваше дека Камп Ноу ќе има нов господар. Магијата која на Камп Ноу ја создаде тој, не можеше никој пред него.
Од тогаш до денес, Меси освои 32 трофеи со Барселона, одигра 634 утакмици и постигна 550 голови во сите натпреварувања.
Освен тоа, тој пет пати беше прогласен за најдобар играч на планетата и четири пати за играч со најмногу постигнати голови.