Ниту дождот, ниту лошите временски неприлики не ги поколебаа прилепчани и вечерва да излезат на мирен и масовен протест во името на својата татковина Македонија.
Гордост е да се биде на браникот на одбрана на домовината, велат граѓаните на градот херој.
Раѓала оваа земја јунаци, такви јунаци има и денес, спремни жестоко да ја бранат секоја педа земја, спремни да се спротивстават на секој оној кој сака да продаде и едно камче од неа.
Одново се пееа песни, одново се виореја знамиња, одново се упатија силни пораки кон оние кои сакаат да ја поделат државата и да ги уништат основните вредности на еден народ, а тоа се: јазикот, знамето, грбот, химната.
На вечерашниот мирен протест во Прилеп се обрати внукот на Методија Андонов – Чено, Јане Ченто и ветеранот на прилепските бранители Марјан Михајлоски.
Прилепчани не запираат тука, протестите продолжуваат и утре во истото време, 18 часот, пред хотел “Липа”.
A.Г.