Вака гигант ги испраќа вработените во пензија

Компанијата “Комфи Ангел” од Прилеп, која важи за гигант во текстилната индустрија во Македонија, на достоинствен начин се збогува со своите вработени кои исполнуваат старосна пензија.

-Денес, со исклучителна чест и емоции, се збогуваме со четворица наши колеги – но уште поважно, четворица посветени и ценети членови на нашето големо Комфи Ангел семејство – кои заминуваат во пензија. После многу години посветена, одговорна и чесна работа, нивното заминување остава празнина, но и длабока трага што ќе остане да не потсетува на нивниот придонес, искуство и човечност. Иако ќе ни недостасуваат нивното присуство, искуство и ведар дух, искрено се радуваме што започнуваат ново, заслужено животно поглавје – исполнето со мир, слобода и уживање во плодот од нивниот труд. Од сѐ срце им благодариме за нивната искреност, трудољубивост и посветеност со која секојдневно придонесуваа за растот и успехот на нашата компанија.

Од целото Комфи Ангел семејство, им посакуваме:
✨ Најпрво – добро здравје,
💛 Многу моменти исполнети со радост,
👨‍👩‍👧‍👦 Време поминато со најмилите,
🌞 И уживање во сите нешта што ги прават среќни.

Драги наши, ова не е збогум, туку едно големо благодарам – напишаа од компанијата на социјалните мрежи.

https://www.facebook.com/photo/?fbid=1188632206642596&set=a.564778592361297




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.