Заврши Балканското првенство, кое викендов се одржа во Скопје, а прилепските борачки покажаа одлични борби и со три медали (две бронзи и едно сребро) се вратија во Прилеп.
Марија Вејланоска во категорија до 40кг. го освои второто место, Ангела Трајкоска до 46кг. беше третопласирана, а Тамара Цветкоска исто така освои бронзен медал во категорија до 57кг.
Она што исто така е за одбележување е настапот на младата Анабела Стојаноска, која прикажа одлични борби, но за жал не успеа да се искачи на пидестало и го освои 5 то место во категорија до 46кг.
Од Боречкиот клуб “7-ми Мај” се задаволни од постигнадите резултати и упатуваат честитки до боречката федерација на Македонија за одлично организираното Балканско првенство.