Традиционално како и секоја година, бакалскиот еснаф од Прилеп, една недела после нивниот патрон, православниот празник Св. Три светители, даваат свечен ручек и служат литургија во некој од прилепските манастири. Оваа година одбележувањето беше во манастирот Света Петка во селото Лениште.
Бакалите велат дека оваа нивна традиција потекнува уште од 1954 година, кога е и формирано бакаллското здружение. Инаку бакаласкиот еснаф е еден од најголемите и најорганизирани еснафи во Прилеп.
На одбележувањето во манастирот Св. Петка во селото Лениште присуствуваше и градоначалникот на Прилеп, Марјан Ристески, кој на бакалите уште еднаш им посака многу здравје, среќа и бериќет.
Домаќин на годинашното празнување е сопственикот на компанијата „Шопе Комерц„ Емил Шопески, кој го истакна своето задоволство и чест, што беше домаќин, и го предаде своето кумство на бакалот, Стојан Петкоски, кој ќе биде домаќин наредната година.
