Министерството за одбрана и Генералштабот на Армијата на Република Македонија денеска ќе организираат свечена церемонија за прием на 125 професионални војници во редовите на Армијата.
Церемонијата ќе се одржи на платото пред зградата на Министерството за одбрана и Генералштабот на АРМ. Најавени се обраќања на претседателот на Владата Зоран Заев и министерката за одбрана Радмила Шекеринска.