Времето во Македонија ќе биде сончево со умерена облачност, во западните делови значително облачно.
По одделни котлини ќе има појава на утринска магла. Ќе дува слаб, а во западните делови умерен јужен ветер.
Утринската температура ќе се движи од минус еден до три степени, а дневната од шест до 14 степени.
Во петок ќе биде променливо облачно, во вечерните часови со врнежи од дожд, кои ќе продолжат и во сабота. Пообилни врнежи се очекуваат во западните делови. На повисоките планини ќе има врнежи од снег. Ќе биде релативно топло со засилен, а на моменти и силен јужен ветер.
Повремени врнежи ќе има и во недела, а во понеделник ќе настапи преодно стабилизирање.