Планинарите од еколошко планинарското друштво „Картуш“ и оваа година по 12-ти пат го организираа планинарскиот марш по Селечка планина посветен на Петре Андоноски – Музичарот. Маршот започна рано изутрина, а сите учесници поседуваа добра физичка подготвеност. Организаторите и за овој 12-ти марш обезбедија бесплатен ручек во манастирскиот компелс „Св. Димитрија“ во н.м Селце како и многу други награди од спонзорите. На турата учествуваа околу 500 гости од земјава и странство, а традиционалниот планинарски меморијален марш беше долг 20 километри.
