Синоќа, во фојаето на ЦК „Марко Цепенкoв“ во рамките на Интернационалниот џез фестивал, беше поставена интересна изложба од 20 – тина фотографии и кавер фотографии (за СD опаковки и музички албуми), изработени за музичката продукциска корпорација ЕСМ records, на познатата фотографка и изработувач за фотографија и кавер фотографија, во различна графичка техника, Фотини Ламп Потамиа, која е и официјален фотограф на познатата германска продукциска џез куќа од Минхен, ЕСМ (Editions of Contemporary Music) records.
„Станува збор за прва изложба од ваков вид во Македонија. Изложебата е за нас од огромно значење, бидјеќи преку неа добиваме можност Џез фестивалот во Прилеп да се промовира секаде во светот. Фотими Потамиа имавме среќа да ја запознаеме минатата година, преку нејзиниот сопруг Дине Донев, кој учествуваше на минатогодишниот фестивал и се договоривме оваа година да ни ги изложи нејзините фото креации, фотографија и кавер фотографија, што ни е особена чест, бидејќи ова е нешто несекојдневно.“- рече организаторот на Интернационалниот џез фестивал, Снежана Ристеска.
Изложбата беше пропратена со аудио визуелен перформанс на сликарот Тома Димовски и Донеф Дуо со импровизиран панк џез до совремна класика ,а беше надополнета и со промоцијата на албумот „Русилово“ на Дине Донев “Неред„ издадена од корпорацијата ЕСМ records.
