Споменикот “Прилепски бранители” е местото од каде вечерва по 74-ти пат прилепчани го започнаа својот марш “За заедничка Македонија”.
Во голем број и со патриотски песни и извици, граѓаните на на градот херој не престануваат да го изразуваат својот револт кон можноста да се формира влада под диктат на туѓа држава.
Ако на некој седнувањето на кожена фотеља му е главна животна желба, на овој народ зачувувањето на државата и националните интереси му е Библија. Затоа нема да застанеме, затоа ќе чекориме и понатаму, ќе бараме да се исполнување на нашите барања, а тоа се нови избори и попис на населението, порачаа и вечерва прилепчани.
Од Прилеп вечерва повторно се упати поддршка за претседателот на државата Ѓорге Иванов и се побара ослободување на прилепчанецот Диме Христоски – Жабата.
