Од полицијата информираат дека вчера во 12.15 часот било пријавено дека во стан на ул. „Димо Наредникот“ во Прилеп била пронајдена почината И.Н.(76) со прострелна рана во главата.
Во заедничката просторија од зградата пронајден бил починат и нејзиниот сопруг М.Н. (81).
-За време на увидот во станот бил пронајден пиштол „Застава“ калибар 9 мм, кој со дозвола го поседувал М.Н., потоа една испукана чаура, една празна рамка и една рамка со два куршуми, информираат од МВР.
Увид на местото извршиле Јавен обвинител и екипа од Полициската станица Прилеп.
По наредба на Јавен обвинител, телата на починатите биле предадени за обдукција, а се преземаат мерки за целосно расчистување на случајот.