Околу еден часот по полноќ на патот Битола-Прилеп се случила сообраќајна незгода во која патничко возило „Опел Фронтера“ со прилепски регистарски ознаки, управувано од 45-годишниот К.М. од Прилеп, удрило во пешак.
Се работи за 74-годишниот П.И. од Прилеп, кого возачот го прегазил и избегал, но потоа се премислил па се пријавил како учесник во незгодата.
Од незгодата со тешки телесни повреди се здобил пешакот П.И. на кој му била укажана лекарска помош во Општа болница Прилеп.
Увид на местото на настанот извршила екипа од Полициската станица Прилеп.