Граѓани денеска протестираа пред Владата во знак на револт поради преквалификација на делото од „убиство со умисла“ во „тешки дела против безбедноста на луѓето и имотот во сообраќајот“ во случајот со загинувањето на четиригодишниот Алмир Алиу од Куманово.
Учесниците на протестот носea транспаренти „Нема правда, нема мир“, и „Каде ви е совеста македонско обвинителство“, како и детски играчки и детска облека.
Една од фотографиите на кои е ликот на Јавниот обвинител, Љубомир Јовевски, е со порака која може да се протолкува и како заканувачка, бидејќи на неа е прикажана дупка во неговото чело од која тече крв.
Малиот Алмир беше прегазен во 2016 година од возило кое го управувал Бобан Илиќ, откако претходно во кумановскиот Здравствен дом се скарал со родителите на детето.