Оваа ситуација може на некого да му звучи како кич љубовен филм, но за четворица млади луѓе таа е реалност.
Еднојајчани близнаци ќе ги оженат своите дев ојки кои исто така се еднојајчани близначки. На заедничка церемонија, откако истовремено ги запросиле.
Џош и Џереми Салејрс ги запознале Британи и Бријана Дин во 2017 година на Фестивалот за близнаци во еден град во Охајо. Браќата имаат 34, а сестрите 31 година. Велат привлечноста која се појавила била моментална и паровите набрзо се „смувале“.
Британи ги забележала двајцата браќа од далеку и веднаш и рекла на својата сестра дека ги видела најзгодните машки близнаци. Следниот ден сестрите се сретнале со Џош и Џереми во ходникот на хотелот каде биле сместени.
Веднаш започнале да разговараат за животот на еднојајчаните близнаци.
Секој од нив почувствувал привлечност кон својот иден партнер: Џош кон Британи, додека Бријана моментот го опишала како еден од најмагичните во кој се се одвива забавено, како на филм.
Интересно е што близнаците завршиле заедно и според тоа кој е постар, па така Џереми и Бријана кои се родени први се едниот пар, а Џош и Британи кои се второродени се другиот пар.
Освен тоа, Џош тврдел дека тој и неговиот брат никогаш немало да се оженат ако тоа не го сторат со близначки. Момците ги запросиле девојките, снимајќи документарен филм. Секако носеле идентична облека, а двојната венчавка ќе биде одржана во август.