Во организација на Општина Македонски брод денеска и утре во Самоков се одржува првиот адреналински фестивал на отворено SAMOKOV XTREME. Главната цел на овој фестивал е развојот на туризмот во Поречкиот регион и ставање на с.Самоков на мапата на атрактивни дестинации за авантуристички туризам.
Самоков ги отвори вратите за сите учесници кои ги има во голем број како што беше очекувано. Сите заинтересирани уредно се пријавија, потпишаа изјави и ги подигнаа стартните пакети, па започнаа со ревијално возење и запознавање со патеките.
Учесниците со своите спортски вештини ќе се презентират во следниве дисциплини и истите ќе имаат ревијален карактер: возење со теренски возила ( џипови), возење со мотокрос, возење со АТВ возила, возење со МТБ велосипеди, планинарeње.
Целата програма ТУКА, а еве дел од денешната атмосфера: