Илинденската коњаница која традиционално секоја година маршира од скопско Лисиче до Крушево по повод годишнината од Илинденското востание синоќа не им беше дозволено да преспијат во Градскиот парк во Велес, бидејќи тоа им го забранил градоначаникот на општината, Аце Коцевски.
Коњаницата уморна и омаловажена, но духовно нескршена ја продолжи својата рута и денеска пристигна во Стари град во општина Чашка.
На дружење со дваесетината коњаници денеска беше и Јохан Тарчуловски со неговата сопруга. Тие им посакаа среќен пат и добро здравје на нивниот пат до славното Крушево.
