Изненадува тоа што Христијан Мицкоски, лидерот на опозицијата, успеа да опстои на притисоците и не прифати формирање на Државната изборна комисија, смета новинарот Бобан Нонковиќ, во своето последно видео-обраќање од Брисел
Според Нонковиќ, во Македонија се подготвува сериозен изборен и референдумски фалсификат, благодарение на законот за измена на избирачкиот законик кој се случи денес, и тоа како што се сомнева Нонковиќ, за време на посетата на еврокомесарот за проширување на ЕУ Јоханес Хан.
Нонковиќ додава дека оваа раководна гарнитура во ЕУ на почетокот на идната година ќе биде минато, имајќи во предвид дека во земјите од ЕУ ќе се организираат европски избори, на кои ќе се избере целосно ново раководство. Затоа, предурпедува Нонковиќ, секое прифаќање на условите и барањата од ЕУ во овој момент се погубни за Македонија и од аспект на сигурноста дека ЕУ ќе се придржува кон истите.
Според Нонковиќ, како што изминува времето се поголем ќе биде притисокот врз клучните политичкки фигури во Македонија, но сепак, на крајниот збор секогаш ќе го има народот без кој, додава Нонковиќ, нема шанси да излезат 900.000 граѓани на референдум, особено не, потенцира тој, ако ВМРО-ДПМНЕ повика на бојкот.