Утре (недела), 22.03. со почеток од 14:30 часот на стадионот во с. Големо Коњари, ќе се одигра локалното дерби помеѓу двата второлигаши на дното од Втората лига, прилепска Победа и домаќинот ФК Големо Коњари.
Според најавите, се очекуваат над 500 гледачи, како вљубеници во фудбалот од населеното место, така и од градот, а домаќинот за “дербито” со Победа има обезбедено и монтажни трибини.
Во првиот натпревар есеноска, црвено-белите триумфираа со 1:0 на “Гоце Делчев” во Прилеп, па Големо Коњари ќе сака да возврати за тој пораз, но сега против младинците од Победа.
