100 Курдски жени и деца се убиени во југоисточниот дел на Турција во последните шест месеци, стои во извештајот на Хјуман Рајтс Воч во кој се додава дека бројката не е прецизна и дека може да биде и поголема. Жртвите биле убиени за време на специјална операција на безбедносните служби на Турција.
Тензиите помеѓу Турските авторитети и Курдската опозиција ескалираа во Јули по прекршениот договор за прекин на огнот помеѓу Турција и Курдите, како и по обвинувањата дека Анкара ги поддржува терористите од ИСИС. Потоа, Хјуман Рајтс Воч ја повика Турската влада да ги суспендира воените дејствија и да започне со потполна истрага, за обелоденување на вината за убиството на жени и деца.
Кани Ксулам, Курдски активист и директор во Американско Курдската информациона мрежа за Спутник изјавува дека Анкара никогаш нема да започне со целосна истрага за убиствата.
Тој тврди дека Турската влада спроведува културен геноцид врз Курдите
“Полициски час беше спроведен во неколку градови, и на луѓето им беше забрането да излезат од своите домови. Градовите се бомбардирани и ако некој биде повреден нема можност да стигне до болница. Струјата и водата се отсечени. Тоа е недекларирана војна која Турција ја води со Курдското цивилно население во градовите на истокот и југот на земјата” рекол Ксулам за Спутник.
Тој додава дека “Има 20 милиони луѓе кои живеат во земјата без основни човекови права, без политички права и се притискани да се асимилираат во Турската култура, јазик и литература. Курдите велат дека веќе е доста и бараат локална автономија”
Активистот ова го нарекол културен геноцид и етничко чистење во смисла дека на луѓето не им е дозволено да се изразат. Тој вели дека ова е спротивно на меѓународното право и секоја останата нормa “Турција го негира постоењето на Курдите во Уставот и ги тера да бидат асимилирани”
“Злото кое се случува во Сирија лесно може да биде пресликано во Турција. Линиите преку кои се кршат проблемите се исти и во Турција каде што Сунитското мнозинство зака да ги асимилира Курдите и Алавитите. Турција многу лесно може да стане следната Сирија” додава Ксулам
Тој додал дека, “Турците никогаш нема потполно да ги обелоденат и истражат своите злосторства. Никогаш не го направиле тоа, и никогаш нема да го направат. Тоа ќе заврши во граѓанска војна”