Тешка сообраќајна несреќа кај патниот правец Градско- Прилеп. Според информациите на МВР; вчера во 09.00 часот на патниот правец Градско-Прилеп се случила сообраќајна незгода помеѓу возилото „Фолксваген Голф“ со штипски регистарски ознаки, управувано од И.М.(46) од Берово и ПМВ „Фолксваген Голф“ со битолски регистарски ознаки, управувано од И.М.(56) од Битола. Во незгодата И.М. (од Берово) се здобил со тешки телесни повреди и со возило на ИМП бил пренесен во Градска болница Прилеп, од каде поради сериозноста на повредите бил препратен во Клинички центар Скопје за понатамошно лекување. Увид на местото на настанот извршила екипа од ПС Прилеп.