Во Франција во 2012 година, продаено е ретко шифрирано писмо од Наполеон, напишано во 1812 година, кога францускиот императот на своја несреќа извршил инвазија на Русија. Во писмото тој говори дека неговата војска ќе го дигне во воздух московскиот Кремљ.
Шифрираното писмо на императорот Наполеон I Бонапарта, во кое тој за време на походот на Русија го соопштува својот план за уништување на Кремљ, продаено е на аукција во Франција за 150 илјади евра.
Писмото на Наполеон било чувано во приватна колекција. Експертите на почетокот ја процениле неговата вредност на 10-15 илјади евра, меѓутоа лицитираната цена значително ја надминала проценетата вредност.
“Ќе го кренам во воздух Кремљ на 22. октомври во три часот наутро”, вели Наполеон во писмото, на кое стои датум 20.октомври 1812година. Писмото е составено од цифри под кои стои императорскиот потпис: “Нап”. Со тоа писмо Наполеон ги соопштил своите планови на министерот за внатрешни работи Igu Bernaru Mareu.
Извршувањето на наредбата му го доверил на маршалот Eduaru Mortijeu, кој по влегувањето на армијата на Наполеон во руската престолнина, бил поставен на гувернер на Москва. Напуштајќи ја Москва, францускиот император наредил да се дигне во воздух зградата на Кремљ. Моќните експлозии значително ја оштетиле зградата, чие обновување траело повеќе од 20 години.
Во своето писмо Наполеон исто така го моли својот министер да обезбеди залихи од намирници и јавачи на коњи за армијата. “Мојата коњаница е раздрмана, многу коњи се убиени”, наведува Наполеон во писмото.
Наполеоновата армија влегла во Москва на 14 септември 1812 година и престојувала во градот нешто повеќе од месец дена. Французите биле принудени на 20 октомври да ја напуштат руската престолнина, поради немање на намирници и лошиот морал кој владеел во армијата.
Шифрираната порака
Ален Никола, експерт за ракописи, изјавил на аукцијата:”Писмото е во потполност шифрирано. Ние го дешифриравме. Првата реченица е фрапантна:”Ќе го дигнам во воздух Кремљ во три сатот наутро”. Ова писмо на Наполеон е единствено – се состои само од цифри. Наполеон го користел тој метод за во случај писмото да биде откриено, затоа што тогаш не би можело да се прочита, што било посебно важно кога писмото се однесувало на воените планови.
А.Г.