Синоќа во Универзалната сала во Прилеп се одржа голем хуманитарен концерт на кој настапија македонските пејачи Филип Николоски и Јоце Панов, а главната ѕвезда беше единствениот Жељко Самарџиќ.
Универзална беше исполнета до последно место како во најдобрите времиња, а целта беше да се соберат шо повеќе средства за лекување на малиот Дејан Најдоски од Прилеп кој боледува од аутизам.
Прилепчани покажаа дека имаат големо срце и ги искупија сите влезници за концертот. Кулминацијата на вечерта ја направи неповторливиот балкански шармер Самарџиќ кој приреди концерт за паметење.
Покрај своите огромни хитови, Самарџиќ пееше и македонски песни, а го развиори и македонското знаме.
Сега нашите мисли се со малиот Дејан на кого му посакуваме успешен третман и подобрување на неговото здравје.