Во време на една политичка транзиција, ако ова може така да се нарече, да се потсетиме на еден настан кој е многу важен за македонската надворешна политика.
Стефан Чернетиќ, кој тврди дека е принц од Црна Гора, Македонија и Србија, пред околу две години се сретна со поранешниот премиер, Зоран Заев. Чернетиќ објави фотографии на својот официјален профил на социјалната мрежа Фејсбук.
На фотографиите може да го видиме Чернетиќ како го одликува Заев во просториите на Владата на Република Македонија.
Како и да е, во тој момент никој не можеше да знае дека следниот премиер ќе има уште подобра конекција со братска Црна Гора.