Преспанското Езеро доживува нова преродба. Со уредувањето на плажите на крајбрежјето се враќа стариот сјај на второто по големина природно езеро во Република Македонија. Редици автомобили и рој капачи во водата е секојдневната слика по плажите во Сливница, Стење, Претор, Отешево…
Цените се достапни до сечиј џеб, разладување има за секого, а пред се чист воздух и песочни плажи.
Секојдневно врие од автомобили и се бара место плус од жителите на Пелагонија, а не заостануваат гости и од подалечните градови.
Особено гужва е во викендите кога прилепчани и битолчани доаѓаат и се чувствуваат како дома.
Се инвестира во сите излетнички места, се поставуваат нови шанкови, се средува инфраструктурата на плажите, се прават детски паркови и се воведуваат многу новини. Напорите на државата и на Министерството за транспорт и врски, се насочени кон наново заживување на езерото и враќање на старата привлечност и атрактивност на воздушната бања наречена Преспа.
Ваква беше денешната слика на плажата во Сливница.
Голема и широка песочна плажа, секогаш привлечна за посетителите и за љубителите на природата и зеленилото, кое го имате на секој подалечен видик.
Моментално во Сливница се гради и нова плажа, која ќе ја задоволи потребата од плус простор.
Водата пријатна и со одлична температура за капење. Недостасуваат угостителски објекти, но во близина е Претор, каде можете да уживате во вкусна, евтина и разновидна храна.
Посетете ја Преспа и Преспанското Езеро, ќе поминете одлично, ќе се разладите и ќе понесете пријатни спомени.
