По серијата од 4 порази фудбалерите на Победа вчера попладнето на теренот на Могилата во комшискиот дуел од 6-тото коло на Втората лига-Исток го совладаа новајлијата Питу Гули од Крушево со 2-1, полувреме 1-1.
Резултатот на прв погле дкажува за тесна и неизвесна победа на црвено-белите но случувањата на теренот беа сосема поинакви.Победа имаше многу повеќе од играта а што не победи поубедливо повторно се должи на големиот број неискористени шанси.
Колевски икапитенот и двоен стрелец Гешоски ја погодија пречката, голманот на гостите Велевски имаше свој ден и одбрани неколку удари од изгледни позиции на Гешоски, двата слободни удари на Дунимаглоски како и удар на Б.Наумоски.
Како и на претходните неколку мечеви примен е кикс гол по сопствена грешка невнимание-во 35 минута чиста топка да се избие не се договорија Д.Спиркоски и Дунимаглоски и му оставија на Бошиноски да ја затресе домашната мрежа. Сепак најзаслужен за победата е ветеранот и капитен Благоја Гешоски кој беше стрелец на двата гола.
Првиот во 11-тата минута откосо по додавањето на Дунимаглоски биеше силно и неодбранливо под пречката, а вториот гол од пеналот досуден врз Ристески, за кој гостите протестираа. Сепак и покрај победата останува впечатокот и незадоволството на публиката од недоволно убедливото издание и севкупниот учинок на фудбалерите.
Останува мечот со П.Гули да се заборави и со мислите да се свртат кон продолжението на порвенството во кое претстои многу потежок распоред. Следат дуелите со главните претенденти за 1-то место Брегалница и Тиквеш, мечеви во кои фудбалерите ќе бидат пред испит да покажат одважност, зрелост, дрскост и крајно мечеви во кои ќе имаат можност со учинокот и залагањето на терен да покажат и потврдат дали се кадарни да го носат дресот на Победа.
Победа:Иванов, Д.Наумоски, Најдовски, Дамески, Колевски, Д.Спиркоски(од 65 мин Х.Митрески)), Вецески, Дунимаглоски, Б.Наумоски (од 82 мин Јошески), Ристески и Гешоски (од 74 мин Каралиоски).
Резултати 6 коло Втора лига-Исток: Победа-П.Гули 2-1, Саса-Тиквеш 0-1, Беласица-Осогово 3-0, Кожуф – Плачковица 3-0, Кит Го-Брегалница играат утре.
Табела: Тиквеш 16, Беласица 15, Kожуф 14, Брегалница 10 (-1), Кит –Го 8 (-1), Победа 6, Саса 4, Плачковица 4, Осогово 3 и Питу Гули 3.