Живееме во време-невреме, каде новото „нормално“ ни стана невообичаен начин на живот. Во ова време владее друг начин на живот каде младината е тргната од нормалното живеење. Време е да им се посветиме на младите да ги вратиме да живеат, нешто кое го заборавивме, ги заборавивме најмалите и најмилите, нив им е потребен здрав начин на живеење, кај нив играта, забавата, смеата треба да биде она кое ги опкружува, нешто кое го немаат во моментот – со овие зборови тренерот на Јовица Блажески од Македонски Брод се обраќа до сите љубители на спортот да ги помогнат клубовите ЖФК ПОРЕЧЕ 2015 МАКЕДОНСКИ БРОД, ЖФК ПОРЕЧЕ 2015 и ФК АКАДЕМИЈА ПАНДЕВ – МБ.
Желбата е голема, а сега и потребата на ЖФК ПОРЕЧЕ и ФК Акедемија Пандев – МБ од Македонски Брод, да им излезете во пресрет со ваша мала финансиска помош, или можност да ни помогнете во овие моменти кога сите се бориме за малку воздух. Hашите клубови едвај преживуваат, а деца имаме се повеќе, заинтересираноста за спорт расте. Желбата да се биде дел од едно семејство, да се претставува нашата општина е се поголема, што покажува фактот дека стотина деца секојдневно своето време го поминуваат на спортскиот терен “Поречки Батаљон” во Македонски Брод, на кој му е потребна итна реконструкција.
Вашата помош, која знаеме дека тешко сте ја запечалиле, со многу пот и мака, но верувајте ни нас не ни е лесно.
Помош немаме од никаде, па и најмалиот дел кој може да го одделите за нас ќе биде од огромно значење за нашите клубови. Пред се за да ги подобриме условите за тренинг и натреварите кои не’ очекуваат, а натревари ќе имаме многу.
Следната сезона (2021/2022 година) земаме учество во Втора женска фудбалска лига при ФФМ, во младинските лиги и детските лиги, каде се пријавени и двете екипи – момчињата и девојките.
Сите заедно можеме и мораме да го вратиме фудбалот повторно да заживее во нашиот град, потпомогнати од вашата помош, нема да дозволиме овој спорт да згасне во нашите срца. Спорт кој многу им недостасуваше на сите во нашето градче, а особено на најмладите фудбалери и фудбалерки, на кои и онака не им преостана друга забава. Една убава обврска да живеат здраво и да се движат по правиот пат. Многу од нашите момци и девојки ќе останат и ќе се дообразуваат во нашиот град, зошто фудбалот е нивната страст и ние не смееме да им ја уништиме.
Во нашиот град имаме многу талентирани деца (девојки и момци), кои со голема желба спортуваат, но за жал ги немаат потребните услови за тренинг и натревар.
Доколку Вие со Вашата несебична помош ни помогнете, пред се да се направи стадионот, тогаш нашите екипи ќе имаат услови и ќе може да очекуваме и подобри резултати, кои и онака ги имаме со младинските категории, но зошто тоа да не го очекуваме и од сениорските екипи.
Во овие тешки моменти од нашиот нов почеток, ни е неопходна помошта од сите вас. 3атоа би ни претставувало огромна чест и би ви биле бескрајно благодарни доколку дел од средствата, кои знаеме дека не се многу, ги споделите со нас.
Потребни ни се средства за реконструкција на градскиот стадион во Македонски Брод, кој е во многу лоша состојба.
Покрај што може финансиски да ни помогнете со донирање на средства на подолу наведената ж. с-ка, можете да помогнете и со материјали, кои ни се потребни при реконструкцијата, а истата ќе биде темелна и ќе ги опфати следните делови:
– Соблекувални: замена на чешми, замена на вц шољи (искршени), замена на прозори, дел од ѕидовите се рушат, затнати цевки и многу други зафати.
– Терен: замена на тревнатиот дел (треба да се донесе плодна земја, сепарирана песок, да се купи семе за трева), да се средат прскалките за вадење на теренот, имаме проблем во летниот период со недостаток на вода поради работење на градскиот базен, треба да се направи патека од 1.5 м околу теренот, како патека за трчање и да се ослободиме од тревата која е напотребна и опасна, да се средат шахтите за наводнување, да се исфарбаат стативите, веќе до некаде е среден проблемот со косење на стадионот, но тоа оди отежнато и со доцнење и некои други помали зафати.
– Ограда: зад головите треба да се среди жицата со која е ограден теренот, посебно делот за стативите каде треба да се постави мрежа за топки, бидејќи секојдневно ни се кинат топките кои и онака ги немаме во доволен број.
– Трибински простор: треба да се средат трибините на стадионот, кои се дотрајани и претставуваат опасност како и за играчите, така и за посетителите и родителите кои сакаат да ги следат натреварите и тренинзите на нивните и нашите деца.
Однапред Ви благодариме, Спортски поздрав!!!
Финансиските средства може да се пуштат на:
Жиро сметка: 300280000036203 Комерцијална Банка
Единствен даночен број: 39520140003263
ЖФК ПОРЕЧЕ 2015 МАКЕДОНСКИ БРОД, ЖФК ПОРЕЧЕ 2015 и ФК АКАДЕМИЈА ПАНДЕВ – МБ
Јовица Блажески
