Илија Несторовски полека, но сигурно се враќа во топ форма, а тоа го покажа со нови два погодоци за Удинезе, кои ги постигна на пријателскиот натпревар против Унион Берлин, натпревар кој заврши нерешено 3:3.
Несторовски на натпреварот влезе во 15-та минута и два пати ја тресеше мрежата на германската екипа, прво во 26. минута, а потоа и во 43.
Несторовски погоди и на претходната контролна средба за Удинезе, во убедливата победа над Лиенц (11-0).