Одлуката на Аргентина да ја откаже утакмицата со Израел пред стартот на Светското првенство во Русија, ги разбесни Израелците.
Директорите на компанијата која беше задолжена за организирање на пријателската утакмица меѓу Израел и Аргентина отпатувале во Цирих со намера да ги наговорат челниците на ФИФА да ја дисквалификуваат Аргентина од Светското првенство во фудбал, бидејќи репрезентацијата направила “дискриминација на Евреите”, наведуваат аргентински медиуми.
Израелската влада доживеа тежок политички удар и на меѓународна и на домашна сцена откако Лионел Меси и неговите соиграчи одбија да играат во Ерусалим.
Бесни се на ФС Аргентина поради попуштање под притисокот на терористите, чија единствена цел е да го уништат Израел.