Во видео обраќање претседателот на ВМРО-ДПМНЕ изјави дека нема да дозволи Заев и СДСМ да и нанесат дополнително понижување на македонската нација.
Доколку навистина биде прифатено од страна на СДСМ и Заев дека Гоце Делчев во регионална смисла на зборот е Македонец, а како националност, односно нација е припадник на Бугарската нација, тоа ќе значи целосно асимилирање на македонската нација, удар во темелите на македонската нација и современата македонската држава, дополнително понижување, кажа лидерот на ВМРО-ДПМНЕ, Христијан Мицкоски во видео обраќање до јавноста.
„Ова ќе биде апсолутно на негова одговорност, владина одлука која следната влада на ВМРО-ДПМНЕ, доколку ја предводам јас, веднаш таа одлука ќе ја поништи и нема никогаш понатаму да ја почитува истата“, кажа Мицкоски.